Көкшетау әкімдігі жеке брендін қалыптастыру мақсатында семинарлар өткізіп, әлеуметтік желілерде имидждік жазбалар мен бейнероликтер жариялауға 10,5 миллион теңге бөлген.
Ақша Көкшетауды әлеуметтік желіде жарнамалауға бөлінген. Бірақ, бәрі жақсы болуы үшін, олар сол әлеуметтік желілерде жұмыс істеуге арналған 6 семинар ұйымдастыруды ұйғарған. Тіпті, тренингтердің бірі қала әкіміне арналған «Жеке бренд: жеке шоттарды қалай жүргізу керек» деп аталады.
Қала имиджі үшін Instagram, TikTok, VK, Telegram арналарында айына 6 пост жариялау керек, ал YouTube арнасында арнайы жарнама орнатып, айына 3 сұхбат түсіру қажет.
Қала әкімдігінің ресми аккаунты да назардан тыс қалмады: ол үшін ай сайын 10 ролик түсіру керектігі айтылған. Тіпті «қажет болса, әр бейне-түсірілім үшін арнайы дронды пайдаланып, аэрофототүсірілімді пайдалануға болатыны» ерекше көрсетілген.
Arasha.kz
ФОТО: wikipedia.org
