Павлодар облысы әкімінің баспасөз хатшысы Ернар Сейтахмет облыс әкімі Болат Бақауов туралы хабар айтты.
Ернар Сейтахметтің хабарлауынша қазіргі кезде Павлодар облысының әкімдігі штаттық режимде жұмыс жасап жатыр.
– Облыс басшысы өзінің жұмыс орнында. Әкім қазір әкімдік ғимаратында жоқ, ол қала ішінде жұмыспен жүр, – деді ол.
Кеше Павлодар облысының әкімі Болат Бақауовтың ұсталғаны жайлы хабар тараған еді. Әзірге ұлттық қауіпсіздік комитеті де, жемқорлыққа қарсы күрес қызметі де ешқандай ақпарат таратпады.
