Джо Байден Наурыз мерекесі қарсаңында Қасым-Жомарт Тоқаевқа жеделхат жолдады. АҚШ президенті екі ел арасындағы тығыз байланыс8тарды атап, Қазақстан халқына бейбітшілік пен құт-береке тіледі, деп хабарлайды  Arasha.kz Ақорда сайтына сілтеме жасап.

«Биыл Қазақстан Республикасы өз Тәуелсіздігінің 30 жылдығын атап өтеді. Сізді осы атаулы оқиғамен құттықтай отырып, АҚШ президентінің әкімшілігі өзіңізбен және Қазақстан халқымен етене жұмыс істеуге зор мән беретінін айтқым келеді. Ұзақ жылдар бойы біз ядролық қаруды таратпау, бейбітшілік пен қауіпсіздікті нығайту бағытындағы тығыз серіктесті қолдап келеміз. Менің әкімшілігім стратегиялық серіктестігімізді тереңдетуге және бұдан 5 жыл бұрын мемлекеттік хатшы Джон Керридің қатысуымен басталған «С5+1» диалог процесін жалғастыруға мүдделі», – деп жазылған жеделхатта.

Наурыз мерекесі қарсаңында Джо Байден Қасым-Жомарт Тоқаевқа және Қазақстан халқына бейбітшілік пен құт-береке тіледі.