38 жастағы Сәрсенбек Басанов 13 қаңтарда кездесіп жүрген қызын және оның анасы мен өгей әкесін кепілдікке алып, қайғылы қырғын ұйымдастырған болатын.

Сол кеште ол зейнеткер Байғали Әлиев пен Зина Шаймағамбетова тұратын үйге келген. Ер адам қарым-қатынаста болған қызы Мирамен сөйлескісі келген, алайда олардың арасында жанжал шығады.

Өкінішке қарай, оқиға қайғылы аяқталды: Басанов Мираның анасын пышақ жарақаттарымен және балта соққыларымен жаралап және оның күйеуін (қыздың әкесін) подвалға қамап қояды. Қызды да скотчпен байлап, пышақ жарақатын салған.

Қырғын туралы сол кеште әжесінің үйіне келген Мираның ұлы білді. Оқиға орнына жеткен полицейлер бірнеше сағат келіссөз жүргізді. Келіссөз нәтиже бермеген соң, күдіктіні штурм арқылы ұстады. Өкінішке қарай, зейнеткерлер қаза тапты.

Сот барысында белгілі болғандай, жас жұбайлар нашақорлықтан емделу кезінде танысқан. Бастапқыда туыстар бұл жұп бір-біріне тірек болар деп қуанып, болашаққа үміт артқан. Алайда Басанов бірнеше рет өз қызын ұрып-соғып, қыз онымен біржолата қоштасуға бел буған.

Кеше Актөбе облысының қылмыстық істер бойынша мамандандырылған ауданаралық соты Сәрсенбек Басановты өмір бойы бас бостандығынан айыруға үкім етті.