Атыраудағы мамандандырылған әкімшілік құқық бұзушылықтар жөніндегі сотта бірнеше әйел мен кәмелетке толмаған қыздың ісі қаралды. Олар ұсақ бұзақылық жасағаны үшін айыпталған.

Оқиға Қазақстан туының үстіне араб тілінде жазулар жазылған суреттің әлеуметтік желілерге жариялануына байланысты орын алған.

Заңнамаға сәйкес, ұсақ бұзақылық үшін 20 АЕК көлемінде айыппұл немесе 5-тен 15 тәулікке дейін қамауға алу жазасы қарастырылған.

Сот үш айыпталушыны да кінәлі деп таныды.

Бір әйелге кәмелетке толмаған адамды тартқаны және құқықбұзушылықтың топпен жасалғаны үшін 15 тәулік қамау жазасы берілді.

Тағы бір қатысушы 78 640 теңге айыппұл төлеуге міндеттелді, ал кәмелетке толмаған қыздың заңды өкіліне 39 320 теңге көлемінде айыппұл салынды.