Баянауыл ұлттық паркінде прокурорлық тексеріс барысында жерді өз бетінше басыпалу, заңсыз құрылыс салу және конкурссыз учаскелер беру фактілері анықталған.

Қазіргі уақытта қадағалау актісі бойынша жерді босату және өз бетінше салынған ғимараттарды бұзу бойынша шаралар қабылдануда (ауданы 1,9 га 4 объектіні бұзу арқылы 4 учаске босатылды).

«Сонымен қатар прокурордың наразылығы бойынша Орман шаруашылығы комитеті туробъектілерді орналастыруға орын бергені үшін тарифтерді бекіту бойынша жұмыс жүргізуде. Бүгінгі таңда 70-ке жуық демалыс үйлері, кафелер мен мейрамханалар жалға алынған жер учаскелері үшін төлемнен босатылды», – делінген Бас прокуратура таратқан мәліметте.

Сол себепті Баянауыл ұлттық паркі жыл сайын шамамен 230 млн теңге шығынға ұшырайды, бұл табиғатты қорғау іс-шараларына, қызметкерлердің ақшалай үлесіне және т.б. бағытталуы мүмкін еді.