Бұл мәліметті ҚР Еңбек және халықты әлеуметтік қорғау министрлігі растады, деп жазды Orda.kz.
Бүгін уәкілетті органдар «Еңбек ресурстарын дамыту орталығы» АҚ басқарма төрағасы Ақмәди Сарбасовты ұстады. Айта кетейік, ол бұрын ҚР еңбек және халықты әлеуметтік қорғау вице-министрі қызметін атқарған.
«Еңбек және халықты әлеуметтік қорғау министрлігі «Еңбек ресурстарын дамыту орталығы» АҚ басшысының ұсталғанын растайды. Министрлік тергеу органдарына белгіленген тәртіп бойынша қажетті қолдау көрсетуде. Тергеу барысына қатысты барлық сұрақтар уәкілетті органдардың құзырында», — деп түсініктеме берді ведомство.
