Мұрат Боранбаевтың ұсталғанын Қаржылық мониторинг агенттігі растады.

Ол 2022 жылы Алматы қаласындағы ақылы автотұрақтар жобасымен байланысты жемқорлық ісі бойынша тергеуге алынған. Тергеу деректеріне сүйенсек, ол мемлекеттік қаражатты жымқыруға қатысы бар жеке компаниялар арқылы заңсыз табыс тапқан деген күдікке ілінген.

2022 жылдан бері ол халықаралық іздеуде болған. Қазақстан құқық қорғау органдары Интерпол желісімен оның орнын анықтауға тырысқан. Ақыры, 2025 жылдың маусымында оны ұстап, Қазақстанға қайтарды.