Антикор Мәдениет және спорт министрлігінің бұрынғы вице-министріне қатысты тергеу аяқталғанын мәлімдеді.
Сыбайлас жемқорлыққа қарсы қызмет қоғамда заңдылық пен тәртіп қағидатын қамтамасыз ету, сондай-ақ жоғары лауазымды тұлғалар арасындағы сыбайлас жемқорлықты жою бойынша жұмыстарын жалғастыруда.
«Агенттік Мәдениет және спорт министрлігінің бұрынғы вице-министрі және мердігер ұйым басшылығына қатысты ауыр қылмыс жасағаны бойынша тергеуді аяқтады. Олар қызметтік өкілеттіктерін асыра пайдаланды және 1 млрд теңгеден астам қаражатты жымқырды деп айыпталуда», – делінген хабарламада.
Осы жылдың 13 желтоқсанында Бас Прокуратура күдіктілерді сотқа берді.
