Солтүстік Қазақстан облысының мамандандырылған ауданаралық экономикалық сотының төрағасы ірі көлемде пара алып жатқан жерінде ұсталды.

«2024 жылғы 19 желтоқсанда Ұлттық қауіпсіздік комитеті мен ҚР Сот әкімшілігінің Ішкі қауіпсіздік бөлімінің бірлескен іс-шарасының нәтижесінде Петропавл қаласында Солтүстік Қазақстан облысының мамандандырылған ауданаралық экономикалық сотының төрағасы Б., соттың мүдделі тұлғаның пайдасына оң шешімі үшін 15 мың АҚШ доллары сомасында ірі көлемде пара алу кезінде қылмыс үстінде ұсталды», – делінген Жоғары сот таратқан мәліметте.