Қауіпсіздік Кеңесі өткізген жедел кеңесте «қайғылы қаңтар» оқиғаларын тергеу талқыланды.  Ұсталғандардан 305 шағым түскен. Оның 62-сінде заң бұзушылық расталған жоқ. Ал 170 іс бойынша азаптаулар мен билікті асыра пайдалану бойынша қылмыстық іс қозғалды. Бұл туралы Хабар 24 арнасы хабарлады. 

Қазақстанда  қаңтардағы оқиғаларға байланысты 3 мыңнан астам қылмыстық іс тергелуде. Оның 177-сі арнайы прокурорлардың басшылығымен ведомствоаралық тергеу топтары жүргізеді. Олар жаппай тәртіпсіздіктермен және терроризм актілерімен байланысты. Кінәлілерді іздеу жалғасуда.

“Егер әкімшілік жауапкершілік аясында ұсталсаңыз, қорғаушы шақыруыңыз керек. Егер өзіңізде қорғаушы болса, туыстарыңызға хабарласуыңыз керек. Қылмыстық іс жүргізу шеңберінде ұсталған кезде қандай себеппен ұсталғаныңыз, қандай бап бойынша күдіктенгені және сіздің күдіктеріңіздің мәні неде екендігі туралы түсініктеме талап етуіңізге болады”, – дейді адвокат Илья Лунев.

Маңызды әрекет – қорғаушыны шақыру. Прокурорлар адвокаттармен, құқық қорғаушылармен және адам құқықтары жөніндегі уәкілмен байланыста. Оларға ұстау жағдайларын тексеру үшін тергеу изоляторларына, УҰИ-ға және арнайы қабылдағыштарға рұқсат беріледі.

Ұсталғандардың азапталуы туралы әрбір хабарлама мұқият тексеріледі. Прокуратураға барлығы ұсталғандардан 305 шағымы келіп түсті, оның 62-сінде бұзушылық расталған жоқ. 170 факті бойынша азаптау және билікті асыра пайдалану бойынша қылмыстық іс қозғалды.

“Ұсталған адамның мүмкіндіктері шектеулі. Сондықтан кез келген жерге хабарласа алмауы мүмкін. Әрине, қорғаушы арқылы хабарласу мүмкіндігі бар, бірақ күдіктінің мүмкіндігі шектеулі. Психологиялық және физикалық қысымды дәлелдеу өте қиын болады. Сондықтан оған үлкен үміт артпаған дұрыс”, – деді адвокат.

Фото Азаттық радиосы