Талдықорғанда Шерзат Болатты қатыгездікпен өлтіру ісі бойынша өтіп жатқан сот отырысында төрағалық етіп отырған судья Ержан Жанұзақов күдікті Дархан Әскентайдың бет-бейнесі бұқаралық ақпарат құралдарында көрсетілгені үшін ескерту жасаудан бас тартты.

Әскентайдың адвокаты сотта былай деді:

«Сот отырысы басталар алдында сіз айыпталушылардың бет-әлпетін түсіруге болмайтынын ескерткен едіңіз. Алайда менің қорғалушым Дархан Әскентайдың суреті интернетте таралып кетті, соның салдарынан ол туралы жағымсыз пікірлер айтылып жатыр. Сотта оның беті монтажсыз көрсетілген. Осыған байланысты қарсы алдында тұрған операторға ескерту жасауыңызды сұраймын», – деді ол.

Судья Жанұзақов бұл жағдай алдын ала тыңдауларда қаралғанын түсіндірді:

«Сол кезде айыпталушылардан: “Кімдердің бетін көрсетуге болады?” деп сұралды. Төрт адам ғана беттерін көрсетпеуді сұрады. Қалғандары, соның ішінде Әскентай да, қарсылық білдірген жоқ. Сондықтан сот олардың бет-бейнесін көрсетті, ал қарсы болғандардың бейнесі көрсетілмеді», – деді судья.

Соттағы нақты сұраққа жауап ретінде Әскентай да өзінің бетінің көрсетілуіне қарсы болмағанын растады.

Еске салайық, жасөспірім Шерзат Полаттың атышулы өлімі 4 қазанға қараған түні болған еді. Бастапқыда полиция барлық күдіктілер ұсталды деген мәлімет таратты, алайда кейін марқұмның ата-анасы барлық қатысушылардың ұсталмағанын мәлімдеді.