Ақпарат және қоғамдық даму министрі Дәурен Абаев Алматыда қоғамдық ұйым және қалалық қоғамдық кеңес мүшелерімен митинг, бейбіт шерулер өткізу туралы заң жобасын талқылаған дөңгелек үстел өткізді. Талқылауда айтылған көп ұсыныстардың бірі – онлайн митинг өткізу болды.

Болат Жұматаев: «Адамдарды алаңға шығуға итермелеймей, онлайн митинг, онлайн сауалнама өткізуге болады. Онлайн-митинг арқылы бәрі пікір айта алады. Қазір әлеуметтік желінің рөлі орасан зор екені белгілі» деді.

Абаев онлайн-митинг өткізу тамаша идея, қисынды нәрсе екенін айта келіп, бұл ұсыныс міндетті түрде қаралатынын айтты.