Әл-Фараби атындағы Қазақ ұлттық университеті Заң факультеті кеден, қаржы және экологиялық құқықкафедрасының студенттері тұрақты даму мақсаттарының 16 мақсаты – «Бейбітшілік, әділдік және тиімді институттар» тақырыбында ашық талқылау өткізді.
Іс-шараның басты мақсаты – жастардың құқықтық санасын арттыру, әлеуметтік әділдікті нығайтуға және бейбіт қоғам құруға бағытталған бастамаларды талқылау.Әлемде түрлі дағдарыстар, саяси қайшылықтар мен әлеуметтік әділетсіздік мәселелері артып келе жатқан уақытта, осы мақсатты жүзеге асыру адамзаттың болашақтағы даму жолын айқындайды. ТДМ-16 бейбітшілікті нығайту, әділдікті қамтамасыз ету және тиімді мемлекеттік институттар құруды көздейді. Бұл мақсаттың жүзеге асуы бүкіл әлемнің, соның ішінде Қазақстанның да ұзақ мерзімді даму стратегиясын қалыптастыруда шешуші рөл атқарады.Бейбітшілік – тұрақты дамудың басты шарттарының бірі. Ол тек соғыссыз өмірді ғана емес, сонымен қатар әлеуметтік, саяси және экономикалық тұрақтылықты қамтамасыз етуді де қамтиды. Әлемде бейбітшілікті орнату үшін барлық мемлекеттер өзара түсіністік пен ынтымақтастықты дамытуы керек. Сонымен қатар, әділдік пен теңдік мәселелері де осы бейбітшіліктің маңызды құрамдас бөлігі болып табылады.Талқылау барысында білім алушылар ТДМ-16 аясында адам құқықтары, әйелдер мен балалардың қорғалуы, кемсітушілікпен күрес және әлеуметтік теңдікті қамтамасыз ету мәселелері ерекше маңызға ие екенін атап өтті. Бұл мақсаттың жүзеге асуы азаматтардың өз құқықтарын қорғай алуына, әділеттілік пен теңдікке қол жеткізуіне мүмкіндік беретінін де тілге тиек етті.
Кафедра студенттерінің пікірінше, елімізде ТДМ-16 мақсаттарының жүзеге асуы үшін бірқатар бастамалар қолға алынған. Елде саяси және құқықтық реформа жүргізу, азаматтық қоғамды дамыту, мемлекеттік органдардың тиімділігін арттыру мен адам құқықтарын қорғау мәселелерінде маңызды жұмыстар атқарылып келеді. Қазақстан өзінің халықаралық деңгейдегі міндеттемелерін орындап, бейбітшілік пен әділдікті қамтамасыз ету үшін тұрақты даму стратегиясын жүзеге асырып отыр. Қазақстанда өткен жылдар ішінде Конституцияға және заңдарға енгізілген өзгерістер арқылы демократиялық институттар мен азаматтық құқықтар нығайтылды. Сонымен қатар, сыбайлас жемқорлықпен күрес, мемлекеттік қызметтің ашықтығын арттыру, тәуелсіз сот жүйесін дамыту сияқты бастамалар да ТДМ-16 мақсаттарын іске асыру үшін маңызды қадам болып табылады.Қазақстанда бейбітшілік пен тұрақтылықты сақтау үшін ұлттық қауіпсіздік пен сыртқы саясаттағы тиімді стратегиялар іске асырылуда. Сондай-ақ, елімізде құқықтық білім беру мен құқық қорғау органдарының тиімділігін арттыру бағытында да қомақты жұмыстар жүргізілуде. Бұл шаралар ТДМ-16 аясында тұрақтылықты нығайтуға және әділдікті қамтамасыз етуге бағытталған.
Талқылау барысында ТДМ-16 мақсаттарына жету үшін жастардың рөлі өте маңызды екені де айтылды. Олар тек бүгінгі күннің азаматтары ғана емес, болашақта әлемнің саяси, экономикалық және құқықтық жүйелерін құратын тұлғалар. Қазіргі таңда бейбітшілікті сақтау, әділдікті орнату, қоғамдық институттарды нығайту үшін атқаратын рөлі айрықша.Кафедра білім алушыларының ойынша, жастар арасында құқықтық мәдениетті арттыру, әділеттілікке негізделген қоғам құру мақсатында белсенді әрекет етуі елдің болашағына оң әсерін тигізеді. Студенттер арасында бейбітшілік, әділдік және тиімді институттар тақырыбындағы пікірталастар, конференциялар мен семинарлар өткізілуде. Бұл шаралар жастардың азаматтық белсенділігін арттырып, оларды қоғамдағы өзгерістерге қатыстыруға көмектесетінін де тілге тиек етті.
ТДМ-16: Бейбітшілік, әділдік және тиімді институттар — бұл әлемнің тұрақты дамуы мен болашағын қалыптастыру үшін маңызды мақсат болып табылады. Бейбітшілік пен әділдікті орнату, мемлекеттік институттардың тиімділігін арттыру арқылы бүкіл әлемде әлеуметтік тұрақтылықты қамтамасыз етуге болады. Еліміз үшін бұл мақсаттар қазіргі саяси реформалар мен әлеуметтік өзгерістер арқылы жүзеге асырылып, елдің әлемдік аренадағы орны мен ықпалын нығайтуда маңызды рөл атқарады. Тек бейбітшілік пен әділдіктің орнаған қоғамда ғана адамдардың құқықтары мен бостандықтары толықтай қорғалатын болады, ал тиімді мемлекеттік институттар қоғамның өркендеуіне ықпал етеді
Калымбек Б
әл-Фараби атындағы ҚазҰУ-дың заң факультеті кеден, қаржы және экологиялық құқық кафедрасының заң ғылымдарының кандидаты,қауымдастырылған профессор
