18-04-24 |
7530 рет қаралған
«Жеңгем ішіп алып,  ұйықтап жатыр». Сот залына жаңа куәгер келді.
«Жеңгем ішіп алып,  ұйықтап жатыр». Сот залына жаңа куәгер келді

Бишімбаевтың сотында бүгін  жаңа куәгер – Ерсұлтан Сәрсенбаев шақырылды. Ол неонатолог. Нүкенова қайтыс болатын күні Байжанов оған бірнеше рет телефон соққан. Сәрсенбаевтың айтуынша, ол алғашында Салтанатты жай ғана алкогольдік мас болудан зардап шегеді деп ойлаған.

«Ол  жеңгесінің  ішіп, ұйықтап жатқанын, оянбағанын айтты. Ағасы екеуі таң атқанша ішкенін айтты. Мен нарколог емеспін, бірақ алкогольдік мас болу да қауіпті, жедел жәрдем шақыру керек дедім. Сосын ол адам оянды ма, жедел жәрдем шақырдыңдар ма деп қайта хабарластым. Ол оның әлі ұйықтап жатқанын айтты. Мен ұрыс болды ма деп сұрадым. Бір көзі қызарған деді. Келіп қарап көресіз бе деп сұрады. Мен бара  алмаймын дедім. Мен оларға жедел жәрдем немесе жеке жедел жәрдем шақыруға болатынын айттым, олар белгілі бір сомаға қызмет көрсетеді», – деді куәгер.

Екінші рет сөйлескен кезде Байжанов оған соққыға жығылғаны туралы айтқанда, ол міндетті түрде жедел жәрдем шақыруға кеңес берген.

БӨЛІСУ:
  • twitter
  • telegramm
  • facebok
  • vk
Соңғы мақалалар.
МІНБЕР.