фото: dw.com

24 мамырда Қырғызстан мен Тәжікстан шекарасында қарулы қақтығыс болған. Тәжікстанның мемлекеттік қауіпсіздік комитеті шекара әскері таратқан баспасөз мәлімдемесінде: «Бұрын қол қойылған келісімдерге қарамастан 24 мамыр сағат 10:30 да Қырғыз қойшылары Қырғызстанның Чичилик ауылымен шекараласатын Исфара ауданына қарасты Ворух ауылдық окугіне қарайтын Пул Офотбруй ауылындағы Тәжікстан территориясына кіріп, Тәжікстан азаматтарымен тәжікелесіп қалған. Пул Офотбруй ауылының тұрғындары Қырғыз азаматтарының заңсыз әрекеттеріне қарсы тұрып, ауылдан кетулерін талап еткен».

Тәжікстан шекара әскерінің хабарынша, Қырғыз тарапы екіжақты келісімдерді сақтаудың орнына оқиға орнына шекарашылардың қосымша күшін жіберіп, олар қарусыз адамдарға оқ атқан, соның кесірінен тәжік шекарашысы Зоиров Давлатёр аяғынан жараланған.

Ал Қырғызстан тарапы болса бірінші болып, Тәжікстан жақтан белгісіз біреулер оқ атқанын хабарлады.

Тәжікстан мемлекеттік қауіпсіздік комитеті шекара әскері қызметі Қырғыз тарапының әрекетін арандатушылық деп сипаттаған.

Қазіргі кезде екі елдің жауапты мекемелері оқиға орнында жұмыс істеп жатқан көрінеді.