Демократиялық партия құру туралы бастамашы топтың жетекшісі Жанболат Мамайды Алматы облысы, Қарасай ауданы полициясы ұстап, 22 ақпан таңға жуық үш күнге қамауға алды. Ал бүгін таңертең Алматыдағы Астана алаңына рұқсат етілмеген митингіге шықпақшы болған әр аймақтан келген демократиялық партия құрушы бастамашыл топтың жақтастарын Алматы полициясы ұстады. Мұндай хабарларды Ж.Мамайдың жары, журналист Инга Иманбай жариялады.

Адам құқықтары жөніндегі қазақстандық халықаралық бюро facebook парақшасында демократиялық партия құрушы бастамашыл топ жақтастарын полиция ұстап жатқан сәт бейнеленген бірнеше видео жариялады.