Бүгін  Алматыда ақын Арон Атабектің денесі жер қойнауына тапсырылды. Марқұмның жаназасы қарындасының үйінде өтті.

Қоштасу рәсіміне жүзден аса адам жиналды. Олардың арасында марқұмның туыстары, қоғам қайраткерлері мен журналистер бар. Жиналғандар Арон Атабектің жақындарына көңіл айтты.

Арон Атабек Алматы сыртындағы Бағанашыл зиратына жерленді.

Айта кетейік, белсенді 24 қазанда 68 жасында ауруханада қайтыс болды. Дәрігерлер оның коронавирустан көз жұмғанын мәлімдеді.Арон Атабек 2006 жылғы “Шаңырақ” оқиғасынан кейін 18 жылға сотталып, 15 жылын түрмеде өткізді.