ҚР Денсаулық сақтау министрі Алексей Цой елде коронавирусқа қатысты қырағылықтың қайта жоғалып бара жатқанын айтты.
«Қазақстанда эпидемиологиялық жағдайдың тұрақталғанына қарамастан халықтан қырағылық кетіп барады. Маска тағу мен әлеуметтік қашықтық сақтамайтындар көп. Бұл аурудың таралуы мен карантиндік режимді қайта күшейтуге алып келуі мүмкін»,-деді Цой үкімет жиынында.
Елдің аймақтарында жүргізілген рейд карантиндік талаптардың орындалмайтынын көрсеткен. Сондықтан министр қала мен облыс әкімдеріне бақылауды күшейтуге және түсіндіру жұмыстарын жүргізуге кеңес берді.