Англияда Маргарет Тэтчерге Назарбаев табыстаған «Достық» ордені сатылымға қойылды. Орденнің бағасы 12 500 мың фунт болып белгіленді. Бұл туралы Orda.kz хабарлады.
Антиквариат сатумен айналысатын Питер Харрингтон компаниясының сайтында Ұлыбританияның бұрынғы премьер-министрі Маргарет Тэтчердің марапаттарының бірін сату туралы хабарландыру пайда болды. Сипаттамада айтылғандай, бұл «Темір ханымның» 2001 жылы Нұрсұлтан Назарбаевтың қолынан жеке алған «Достық» ордені. Питер Харрингтон 1995 жылы тағайындалған сыйлықтың жетінші ғана иегері екенін түсіндіреді.
«Ол құпия түрде марапатталған сияқты, өйткені сыйлықтың жария жазбасы табылмады», – делінген сипаттамада.
Тэтчер Назарбаевпен алғаш рет Ұлыбритания премьер-министрі қызметінен кеткен соң – 1991 жылы кездесті. «Темір ханымның» өзі Қазақстан Республикасының тұңғыш президенті туралы оң пікірде болды.
