Елімізде электрондық құжаттың қағаз құжатқа баламалығын куәландыру және қағаз құжаттың электрондық құжатқа баламалығын куәландыру көзделеді.

Қазақстан президенті Қасым-Жомарт Тоқаев «Қазақстан Республикасының кейбір заңнамалық актілеріне нотариат мәселелері бойынша өзгерістер мен толықтырулар енгізу туралы» заңға қол қойды, деп хабарлайды Arasha.kz Ақордаға сілтеме жасап.

Заңның негізгі міндеттері:

• Нотариаттық қызметтердің тиімділігін арттыру, бірыңғай нотариаттық ақпараттық жүйенің жұмысын реттеу нормаларын бекіту;
• Орталықтандырылған электрондық репозиторий жүйесін және нотариаттық құжаттарды сақтау мен жазуға арналған электронды мұрағатты құру;
• Нотариаттық іс-әрекеттер жасауға өтініш білдірген жеке және заңды тұлғалардың мүдделерін қорғауды қамтамасыз ету;
• Нотариустың басқару органдарын және олардың өкілеттіктерін егжей-тегжейлі реттеу, жаңа нотариаттық іс-әрекеттерді енгізу;
• Тәртіптік шараларды түсіндіру;
• Нотариустың құқықтары мен міндеттерін кеңейту.
• Нотариаттық қызмет саласындағы заңдылықты сақтау және нотариустардың құқық қолдану практикасында біртектілікті қамтамасыз ету.

Басты мақсат – нотариат саласындағы заңнаманы жетілдіру және жеке және заңды тұлғалардың құқықтары мен заңды мүдделерін қорғаудың құқықтық жүйесін қамтамасыз ету.