Білім күні, Алматыда 29 мыңнан астам бірінші сынып оқушы алғашқы қоңыраудың сыңғырын естіді. Соның ішінде Әуезов ауданындағы жаңа «Жайлы мектептің» оқушылары да бар. 600 орынға арналған заманауи бұл оқу орны ұлттық жоба аясында салынған.

Жаңа мектеп барлық заманауи талапқа сай келеді. Онда ерекше қажеттілігі бар балалар үшін кедергісіз орта, сондай-ақ шығармашылық және цифрлық технология аймақтары құрылған.

Биыл 338 мектеп есігін оқушыларға айқара ашты. Ұлттық жоба «Жайлы мектеп» аясында Алматы әкімдігінің жобалық кеңсесінің қолдауымен 36,8 мың оқушыға арналған 22 мектептің құрылысы жүргізіліп жатыр.