Қазақстанда 9 және 11 сынып оқушылары үшін соңғы қоңырау мектепте өткізіледі. Бұл туралы білім және ғылым министрі Асхат Аймағамбетов хабарлады.
«25 мамырда осы уақытқа дейін оффлайн оқып келген 9 және 11 сынып оқушылары үшін соңғы қоңырау дәстүрлі түрде өткізіледі. Бұған қоса, 25 мамырға, соңғы қоңырауға, аттестация табыстауға бағытталған барлдық іс-шаралар санитарлық нормаларды қатаң сақтай отырып өткізіледі», – деді министр.
Ведомство басшысы мектеп директорларына, білім беру бөлімдері мен басқарма басшысыларына білім ошақтарындағы шараларды қауіпсіз түрде өткізуді тапсырды.
