Заң жобасында орта білімнен кейінгі, техникалық және кәсіптік білім беру бағдарламалары бойынша (колледждерде) онлайн форматта білім алу мүмкіндігі белгіленеді. Бірінші болып IT мамандықтарының студенттері қашықтан оқитын болады.

Сонымен қатар колледж студенттері мен оқытушыларын техникалық және кәсіптік орта білімнен кейінгі білім беретін басқа ұйымдарға оқу немесе тағылымдамадан өту үшін ауыстыруға болады. Бұл колледж студенттерінің елдегі жақсы жабдықталған оқу орындарында заманауи инфрақұрылымға, технологияларға және білім беру ресурстарына қол жеткізуін қамтамасыз етеді.