Қазақстандық мектеп оқушыларының функционалдық сауаттылығы төмен, деп мәлімдеді ҚР Білім және ғылым министрі Асхат Аймағамбетов.
«Біз бес салыстырмалы зерттеуге қатысамыз – бұл PIRLS, TIMSS және PISA. PIRLS мәліметтері бойынша біз мәтіндік және оқырман сауаттылығы бойынша 27 орындамыз (50 орынның ішіндегі – ҚазТАГ), ал TIMSS бойынша алғашқы ондыққа кіреміз, алайда PISA нәтижелері оқушыларымыздың функционалдық сауаттылығының төмендігін көрсетті. Біздің балаларымыз көп нәрсені біледі, бірақ олар өз білімдерін қалай пайдалануды білмейді», – деді Аймағамбетов сейсенбідегі үкімет отырысында.

PIRLS, TIMSS, PISA – оқушыларды бағалаудың халықаралық жүйесі екенін ескеріңіз.

PISA-2015 нәтижелері бойынша Қазақстан математика пәнінен 600-ден 460, оқудан 600-ден 427, ғылым бойынша 1000-нан 456 балл жинады. PISA-2018 нәтижелері 2019 жылдың желтоқсанында жарияланады.

TIMSS рейтингісіне сәйкес, 4 сынып оқушыларының математикалық білім деңгейі бойынша Қазақстан 49-дан 12-ші орынға, ал 8-ші сынып оқушыларының математикалық білім деңгейі бойынша 39-дан 7-орынға ие болды.

Дереккөз: ҚазТАГ