Елордада ЖОО-ның төрт студенті түлектердің орнына жалған құжаттармен ҰБТ тапсыруға кірген. Бұл туралы ҚР білім министрлігі хабарлады.

Алаяқтық тексерілген адамның жеке басын анықтайтын Face-ID жүйесінің көмегімен ашылды. Техникалық жаңалық биыл барлық тестілеу орталықтарында енгізілді.

«Бөтен адамдар аудиторияға кіре алмады, өйткені ҰБТ-ға жіберу тек Face ID тұлғаны сәйкестендіру бағдарламасы арқылы жүзеге асырылады. Бағдарлама тіпті егіздердің сыңарын да анықтай алады. Бөтен адамды орнына кіргізбек болғандардың арасында “Алтын белгі” иегері де бар», – деді Ұлттық тестілеу орталығы директорының міндетін атқарушы Наужан Дидарбекова.

Түлектер мен олардың сыбайластарының мәліметтері құқық қорғау органдарына берілді. Оларға қатысты Қылмыстық кодекстің 385-бабы екінші бөлігі «Бір топ адамдар алдын ала сөз байласу арқылы жасаған жалған құжаттарды қолдан жасау немесе сату» бабы бойынша қылмыстық іс қозғалды. Осы баптың екінші бөлігінің санкциясы 4 мың АЕК-ке дейін (11,6 млн теңгеден астам) айыппұл салуды, төрт жылға дейін шектеуді немесе бас бостандығынан айыруды көздейді.

Биылғы жылы ҰБТ-ға қатысқандар үш кезеңді тұлғаны тану жүйесі – жеке куәлікті, Face ID жүйесін және әр тест тапсырушының алдында фотоаппаратты ұсынады.

Қазір ҰБТ аяқталу сатысында білім министрлігінде тестілеуден шамамен 150 мың адам өтті.