Денсаулық сақтау министрлігі санитарлық-эпидемиологиялық бақылау комитетінің төрайымы Айжан Есмағамбетова елімізде коронавирустық инфекцияны қайта жұқтыру жағдайлары туралы айтты.

«Біздің мәліметтеріміз бойынша, коронавирусты қайта жұқтырған екі жағдай тіркелді. Бұл туралы біз бұрын да айтқан болатынбыз. Бұл Батыс Қазақстан мен Қарағанды ​​облыстарында. Коронавируспен ауырған адамның ПТР нәтижесі ұзақ уақыт бойы оң болуы мүмкін. Оларды коронавирусты қайта жұқтыру деп қабылдауға болмайды. ПТР тест тіпті тірі емес вирусты да көрсетуі мүмкін», – деді Есмағамбетова ОКҚ брифингінде.

Бұған дейін Алматыда коронавирустың британдық және оңтүстікафрикалық штаммдарына тән мутациялар анықталғандығы хабарланған болатын. Жаңа штаммдардың қауіптілігі жоғары.