Жыл сайын 24 наурызда әлем туберкулезге қарсы күресте бірігеді. 1993 жылы Дүниежүзілік денсаулық сақтау ұйымы (ДДҰ) туберкулезді халықаралық деңгейде белсенді күш-жігерді қажет ететін жаһандық проблема деп жариялады.

ДДҰ мәліметтері бойынша:
Жыл сайын 10 миллионға жуық адам туберкулезбен ауырады.
Туберкулезден болатын өлім шамамен 1,5 миллион адамды құрайды.
ДДҰ-ның 2024 жылғы ұраны: «Иә, біз туберкулезді жеңе аламыз: міндеттенеміз, инвестиция саламыз, әрекет етеміз».

Қазақстанда туберкулезбен сырқаттанушылықтың тұрақты төмендеуі байқалады, бұл ауруды диагностикалау мен емдеудің заманауи әдістерін енгізудің арқасында мүмкін болды.
Ауру мен өлім динамикасы:
Соңғы 6 жылда сырқаттанушылық көрсеткіші 27%-ға төмендеді.
Туберкулезден болатын өлім көрсеткіші 50%-ға төмендеді.
2024 жылы 2023 жылмен салыстырғанда сырқаттанушылық көрсеткіші 4%-ға, ал өлім көрсеткіші 16,7%-ға төмендеді.
Қазақстанда туберкулезді анықтау үшін заманауи әдістер белсенді қолданылады:

Молекулалық-генетикалық диагностика (ПТР) – жоғары сезімтал экспресс-әдістердің көмегімен 88 000-нан астам адам тексерілді, олардың 8083-нде (9,1%) диагноз расталды.
Туберкулез инфекциясын диагностикалау үшін Манту сынағы, Диаскинтест және квантиферон тесті (lGRA тесті).
2024 жылы Манту сынамасы қауіп тобындағы балалардың 97,4%-ы зерттелді.
Зерттеп-қараулар және профилактика:
2024 жылы флюорография әдісімен 5 624 782 адам зерттеліп-қаралды, бұл туберкулездің 4016 жағдайын анықтауға мүмкіндік берді.
12 991 пациент, оның ішінде 7256 бала профилактикалық емдеуден өтті — 2023 жылмен салыстырғанда 22,4%-ға көп.