АҚШ әкімшілігінің мәлімдеуінше, Қазақстан америкалық тауарларға 54% тариф қолданады.

АҚШ президенті Дональд Трамп Ақ үйде сөйлеген сөзінде Америка енгізетін өзара баж салығының мөлшерін жариялады.

АҚШ 185 елге баж салығын енгізіп, оның ішінде Қазақстаннан келетін тауарларға 27% мөлшерлеме белгіледі. Ақ үйдің мәліметінше, Қазақстан америкалық өнімдерге 54% кедендік тариф қолданады.

Ақ үй деректеріне сүйенсек, Қазақстан АҚШ тауарларына ең жоғары тарифтер қоятын елдердің қатарында.

АҚШ Қазақстанмен сауда жағдайын тең емес деп санайды, өйткені Қазақстанның баж мөлшерлемесі америкалық тарифтен екі есе жоғары.

АҚШ Қазақстанға тауар жеткізетін бес ірі елдің қатарына кіреді, бірақ Қазақстан экспортының басты бағыттарының қатарында емес. Дегенмен, ол Қазақстан экономикасына инвестиция салушы екінші ірі мемлекет болып қала береді.