2025 жылдың мамырында Қазақстан инвестициялық санаттағы (IG) елдер арасында ең жоғары табыстылықты көрсетті — +0,9% (айлық өсім).

Алайда IG облигацияларының спредтері 36 б.п.-ке кеңейді — бұл дамушы нарықтар арасында спреді өскен жалғыз жағдай

Қазақстан OAS (опциондық спред) көрсеткіші бойынша тәуекелі қымбат елдердің қатарында қалуда

Bank of America деректері бойынша, мамыр айында Қазақстанның инвестициялық санаттағы облигациялары дамушы елдер арасында ең жоғары кіріс берді. Бұл эмитенттерге деген жалпы оң көзқарас фонында орын алғанымен, Қазақстан IG облигациялары бойынша спреді тарылмаған жалғыз нарық болды — керісінше, олар 36 базистік пунктке кеңейді.

Салыстыру үшін:

— Перу IG: -96 б.п.

— Түркия IG: -53 б.п.

Бұл өз кезегінде Қазақстанға қатысты инвесторлар сенімінің төмендеуін немесе елдік тәуекелдердің артуын көрсетеді.

HY (жоғары табысты) облигациялар сегментінде Қазақстанда спред 51 б.п.-ке қысқарды, бұл – оң динамика, бірақ Индонезия мен ОАР көрсеткіштерінен төмен. Бұл инвесторлардың таңдаулы және сақ әрекет ететінін көрсетеді.

Тәуекел/кірістілік қисығында Қазақстан IG облигациялары орташа дюрация (шамамен 4,5 жыл) жағдайында жоғары спредпен ерекшеленеді. Бұл:

-нарық қосымша тәуекелдік сыйақыны талап ететінін, немесе

-негізгі елдік қауіптерді асыра бағалап отырғанын білдіруі мүмкін.

Жоғары табыстылыққа қарамастан, инвесторлар сақтық танытып отыр. Бұған себеп:

-теңгенің құнсыздануға бейімділігі (мұнай бағасы мен сыртқы саудаға тәуелділік),

-саяси және реттеуші белгісіздік (нарыққа мемлекеттік қысым болуы мүмкін),

-шикізат экспортына тәуелділік (глобалдық күйзелістерге осалдық),

-нарықтың шағындығы мен өтімділігінің төмендігі,

Ресей мен Қытайға геосаяси жақындық — инвесторлардың алаңдаушылығын арттырады.