ҚР Қаржы министрлігі Мемлекеттік мүлік және жекешелендіру комитеті бағаны көтеру әдісін қолдана отырып, аукцион өткізу жолымен электронды жүйемен сауда өткізді. Аукционға Қазақ бас сәулет құрылыс академиясының 35% пайыз акциясы шығарылған болатын. Аукцион қорытындысы бойынша «Халықаралық білім беру корпорациясы» акционерлік қоғамы жеңімпаз болып танылды.

«Халықаралық білім беру корпорациясы» акционерлік қоғамының басты мақсаты – «Қазақ бас сәулет құрылыс академиясы» қызметін дамытуда оқу орнының тарихи мәні мен кәсіби ерекшелігін сақтай отырып, отандық архитектура-құрылыс саласына және басқа да қазіргі қоғамға қажетті әлеуметтік-экономикалық құрылымдарға арналған жоғары сапалы мамандарды даярлау әрі кәсіби көп сатылы білім мен ғылымды дамыту.