Ресей бастапқыда Қазақстан мұнайын Новосібір айлағы мұнай терминалыарқылы тасымалдауды қысқартып, кейін мүлде тоқтатқан. Бұған портты Екінші дүниежүзілік соғыстан кейін қалған миналардан тазарту себеп болған.
Новосібір айлағы айдынындағы Каспий құбыр желісі консорциумы нысанының маңын тінту кезінде Екінші дүниежүзілік соғыстан кейін қалған жарылғыш зат болуы мүмкін 50-ден аса зат табылған. Сонымен қатар 2022 жылдың басынан бері Новосібір айлағы маңынан қауіпті болуы мүмкін заттар табылғаны айтылады.
Алайда 16 маусымда консорциумға іргелес су қоймалары зерттеу және зарарсыздандыру мақсатында кемелер үшін толық жабылып, Қазақстан мұнайын тасымалдау толығымен тоқтап қалған. Келесі минадан тазарту жұмыстары 20 маусымға жоспарланған. Мұнайды Каспий құбыр консорциумы арқылы тасымалдау айдың соңына дейін тоқтауы мүмкін.
Каспий құбыр желісі консорциумының ұзақтығы (Теңіз – Новосібір) 1 511 шақырым. Бұл желі бойынша Қазақстан мұнайының 2/3 бөлігі, сонымен қатар Каспийде орналасқан ресейлік кен орындарынан шикізат тасымалданады.
