Қытай билігі 2015 жылы басталған «дәретхана төңкерісі» деген атқа ие болған бағдарламаны 2019 жылы да жалғастырмақ. Алдағы жылы елдің туристік аймақтарында 21 мың дәретхана салынып немесе қайта жөндеуден өткізіледі. Мұндай хабарды Қытайдың мәдениет және туризм министрлігі таратып отыр.
Қазақстан билігі туризмді дамытуға қатысты түрлі шаралар өткізіп тұрады. Аймақтарда да туризмге көңіл бөлініп, жарнамалар жасалады. Бірақ туристік аймақтардағы әжетханалардың жағдайы өте нашар екені жиі айтылады. Кейбір қоғам белсенділері Қытайдағы «дәретхана төңкерісі» Қазақстанға да керек екенін айтып келеді.
