Дінтанушы Ерсін Әміре уағыздарының бірінде тойда билеудің және биші қыз-жігіттер шақырудың дінге қаншалықты үйлесімді немесе қайшы екенін айтады. Оның айтуынша, арақсыз өткізілген тойларды халал деуге келмейді.
«Халал делінген тойларда музыка қойып, ер мен әйел би билейтінін естіп жатамыз, тағы сол секілді шариғатқа қайшы әрекеттер жасалады. Бастысы арақ жоқ дейді. Ол тойды толық халал той деп айту қиын. «Полу халал» дейміз бе, үштен бірі халал дейміз бе… ол толық халал той болып есептелмейді», – дейді дінтанушы.
Ерсін Әміренің уағызына қарағанда, ер мен әйел арасындағы махаббатты жырлайтын әндердің ешқайсысы хала емес.
