2025 жылдың алғашқы тоқсанында Қазақстанда 924 мың адам немесе халықтың 4,5%-ы күнкөріс шегінен төмен табысқа өмір сүруде. Бұл – Ұлттық статистика бюро деректері бойынша, өткен жылмен салыстырғанда небәрі 4 мың адамға аз, деп жазды Курсив.

Кедейлік ең көп тіркелген аймақтар:

Түркістан облысы – 8,1%

Абай облысы – 7,3%

Жетісу облысы – 6,9%

Кедейлік ең аз:

Қарағанды облысы – 2,6%

Астана қаласы – 2,1%

Ауыл мен қалада да айырмашылық бар: қалада 3,4%, ауылда 6,5% кедей. Қала тұрғындарының тұтынуға жұмсайтын табысы ауылға қарағанда орта есеппен 30% жоғары.

Өте кедейлер (тұтыну себетінен төмен табысы барлар):
16,5 мың адам (0,1%) – бұл сан бір жылда 1 182 адамға артқан.

Индустриалды өңірлерде (Қарағанды, Павлодар) тұрғындар күнкөріс минимумынан 2,6 есе көп жұмсайды. Ал Түркістан мен Маңғыстауда – тек 1,5 есе. Бұл өңірлік теңсіздікті көрсетеді.

Кедейлердің 85%-ын 5 және одан да көп адамнан тұратын отбасылар құрайды, тағы 10% – 4 адамдық отбасылар.

Шешім жолдары:
Кедейлікпен күрес үшін:

-ауылда шикізаттық емес жұмыс орындарын ашу,

-инфрақұрылымды жаңарту,

-білімге қолжетімділікті арттыру қажет.

Бұл шаралар кедейлікті қысқартуға және теңсіздікті азайтуға көмектеседі.