Қазақстанда тыйым салынған 20 шақты деструктивті – бүлдіргіш діни (деструктивті – «бүлдіргіш» деген мағынаны білдіреді) ағымдар бар, деп хабарлайды «Астана» телеарнасы.

Телеарна жаңалықтары ақпарат және қоғамдық даму министрлігінің алқа жиынында сөз сөйлеген теолог Асқар Сабдиннің сөзіне сілтеме жасап, жоғарыдағыдай ақпарат берді.

«Бұларды райынан қайтарудың әмбебап әдісін психолог, психиатр, әлеуметтанушы, тарихшылардың көмегімен жасау керек. Әрбір ағымның адамымен қалай жұмыс жасау керек? Олар, әрине, әртүрлі, олардың ойлары, олардың ұстанымдары, сенім жүйелері әртүрлі. Әртүрлі. Мына қолданып жүрген әдісті басқасына қолдану кейде қиын болып қалады» дейді діни экстремизге қарсы іс-қимыл орталығының директоры, теолог Асқар Сабдин.