Бас әскери прокурор Дастан Секенов Владислав Челах жыл сайын сотқа шағым түсіретінін айтты.

Журналистер Сенат отырысынан кейінгі кулуарда бас әскери прокурордан «Челахтың ісі дұрыс қарастырылды деп ойлайсыз ба? Ол сотқа қайта шағым түсірді ме?» деп сұрады.

Челахтың үкімі заңды күшіне 2012 жылы енді. Ол кезде бұл іске мен де қатыстым. Жыл сайын Челах сотқа арыз түсіріп тұрады. Оның шағымдары белгіленген тәртіпте Бас прокуратура мен Жоғарғы сотта қаралды. Арызында жаңадан мәселелер көрсетіле ме деп біз қайта қараймыз. Дегенмен ол ескі ақпараттарын қайта жібереді. Оның келтірген талқылаулары дәлелденген жоқ, – деді Дастан Секенов.

Айта кетейік, ол «Арқанкергендегі қырғын» туралы іс бойынша 15 адамды өлтіргені үшін өмір бойына сотталған.

Arasha.kz

ФОТО: Ulysmedia