Бұған дейін Карина ҚР БАӘ-дегі елшілігінің кеңесшісі болған күйеуі үнемі ұрып-соғып келгенін айтып, көмек сұраған еді. Қазір әйел балаларымен және әпкесімен дағдарыс орталығына орналастырылған.

Сәкеннің жұбайы Карина Мамаштың Қазақстанға ұшып келгені апта басында белгілі болды. Бір күн бұрын Астананың «Қорғау» дағдарыс орталығы оның отанына оралғаны туралы толығырақ ақпаратпен бөлісті..

«Каринаны әуежайда оның жақын достары күтіп алды, бірақ күйеуінің туыстары да келді. Балаларынан қорыққан ол дағдарыс орталығына жүгінген. Оны әпкесі мен балаларымен орталыққа орналастырды, мұнда Каринаға көмек көрсетіліп, психолог пен заңгердің қызметтері көрсетіледі», – деді Қорғау өкілдері әлеуметтік желіде.

«#НеМолчи.kz» қорына әйел тұрмыстық зорлық-зомбылық туралы жазған. Көп ұзамай Сыртқы істер министрлігі дипломат Сәкен Мамашты әмірліктерден кері шақырып жатқанын, оның ісімен құқық қорғау органдары айналысатынын хабарлады.