29-12-23 |
17550 рет қаралған
Елімізде нан мен өзге де өнімдердің бағасы енді шектелмейтін болды.
Елімізде нан мен өзге де өнімдердің бағасы енді шектелмейтін болды

Нан және әлеуметтік маңызы бар азық-түліктің басқа да бірқатар түрлеріне бағаны шектеу механизмінен бас тарту жоспарлануда, деп хабарлады ҚР Сауда және интеграция министрлігінің баспасөз қызметі.

«2024 жылдың 1-жартыжылдығына қарай ӘМАТ-қа шекті бағаларды енгізу тетігінен отандық өндірістің тұрақты 100% байқалатын 9 азық-түлік тауары (тұз, ұн, макарон, қарақұмық, күріш, нан, сүт, картоп, тауық жұмыртқасы (1-санат)) бойынша бас тарту жоспарлануда. Кейін 2025 жылдың 1 жартыжылдығына қарай 10 азық-түлік тауары (асханалық сәбіз, пияз, ақ қырыққабат, күнбағыс майы, сиыр еті (сүйекті жауырын-төс бөлігі), тауық еті (сан сүйек және іргелес жұмсақ еті бар сан жілік), жұмсақ қаптамада майлылығы 2,5% айран, сары май (тұздалмаған, майлылығы 72,5% кем емес, толықтырғышсыз және өсімдік майлары жоқ), сүзбе (майлылығы 5-9%), ақ қант-құмшекер) бойынша ӘМАТ шекті бағаларын енгізу тетігінен толық бас тарту жоспарланған, олар бойынша импорт алмастыру шамамен 100%-ды құрайды», – делінген хабарламада.

ҚР Сауда және интеграция министрлігінің Сауда комитеті, монополиялық және олигополиялық нарықтарды қоспағанда, бағалар мен тарифтерді мемлекеттік реттеуден кезең-кезеңімен бас тарту жөніндегі Жол картасының «ӘМАТ бағаларын мемлекеттік реттеуден алып тастау туралы халыққа түсіндіру жұмыстарын жүргізбек.

БӨЛІСУ:
  • twitter
  • telegramm
  • facebok
  • vk
Соңғы мақалалар.
МІНБЕР.