Астанадағы «Қазмедиа» орталықтың алдында бірнеше сағат бұрын газ баллонын жармақ болған азамат туралы бейресми ақпараттар да тарап жатыр. Мәселен, ол азамат Жамбыл облысының Ойтал ауылынан Астанаға әділдік іздеп келген. Тараған ақпараттарда екі нұсқа айтылады. Бірі – жиырма жыл бойы өзіне тиесілі жер телімін ала алмай жүрген делінсе, екінші нұсқасында сүрілген үйі үшін 1 миллион теңге компенсация алған ол азамат далада қалған соң, әділдік іздеп Астанаға келген-мыс.
