Бұрын Лебедев үшін демалыс күндері әкімдік есігін аштық, Лещенкоға арнайы қызмет көрсеттік, енді Рудковскаяның келуін ерекше құрметпен қарсы алдық. Депутат Мұрат Әбенов ресейлік әншіге ерекше ілтипат көрсеткен ХҚКО қызметкерлерін сынға алды.
«Азаматтарға арналған үкімет» баспасөз қызметі шоу-бизнес өкіліне жеке ілесіп жүруді ерекше клиентке бағытталған “өкілдік” формат деп түсіндірді.
«Мемлекет барлық азаматтарға тең қызмет көрсетуді кепілдейді. Бұл дегеніміз – кез келген азамат дәл сондай қызметті тең жағдайда алуға құқылы. Президент Тоқаев мұндай жағдайлар туралы: «біреулерге бәрі, қалғандарға – заң бойынша» деп айтқан еді. Мемлекеттік ресурстар есебінен біреуге артықшылық көрсетуге ешкімнің құқығы жоқ. Егер бәріне бірдей болса, онда «Азаматтарға арналған үкімет» корпорациясының басшысы Арман Кенжеғалиев жеке өкілдік ілесіп жүру қызметінің тарифін ашық көрсетуі керек. Және де, қазақстандық азаматқа ХҚКО басшысының ілесіп жүруі үшін «жұлдыздық деңгейі» қандай болу керек екені туралы қандай да бір жіктеу бар ма?», — дейді М. Әбенов.
Депутат сондай-ақ, бұл – Қазақстан азаматы емес адамға жоғары лауазымды, бірақ жалдамалы менеджерлердің тарапынан теңсіз көзқарас білдірілген жағдай. Олар өздерінің тікелей міндеттерін атқарудың орнына жұмыс уақытында жеке ілесіп жүрумен айналысады, деген ойын білдірді.
«Цифрлық даму министрі Жаслан Мәдиевке назар аударғым келеді: егер сіздің қарамағыңыздағы адам осындай «өкілдік қызметпен» айналысуға бел буған болса, демек «Азаматтарға арналған үкімет» мекемесінде барлық ағымдағы жұмыс аяқталған ба?
Ол бес литрдей бензин жақты, басқа қызметкерлерді де жұмыстан алаңдатқан болуы мүмкін, біреулер кезекте ұзағырақ күтті. Бұрын Лебедев үшін демалыс күндері әкімдік есігін аштық, Лещенкоға арнайы қызмет көрсеттік, енді Рудковскаяның келуін ерекше құрметпен қарсы алдық», — деді депутат.
Оның ойынша, қазақ шенеуніктері мүлде басқаша жұмыс істей бастады – бір қоңырауға бола демалыс күндері спорт киіммен жүгіріп келуге дайын.
«Оларға әлі күнге дейін келіп-кеткендердің пікірі маңызды ма, әлде олардың жалақысы төленіп отырған өз азаматтарының көзқарасы маңызды ма?», — деген сауал қояды депутат.
