Бұл туралы Экология және табиғи ресурстар министрі Ерлан Нысанбаев Үкімет отырысында айтты.
Оның айтуынша, экологиялық заңнаманың сақталуын бақылау мақсатында инспекциялық қызмет 2023 жылы 652 тексеру жүргізген.
«Тексерулердің ең көп саны Туркістан облысында – 107, Қарағанды облысы – 70, Шығыс Қазақстан облысы – 64. Тексеру нәтижелері бойынша 1679 заңбұзушылық анықталды, оларды жою туралы 628 ұйғарым берілді. Жалпы көлемі 322,9 млрд теңгеге 2138 әкімшілік айыппұл салынды, оның ішінде 11,3 млрд теңге мөлшерінде 1834 айыппұл өндірілді. Қалған 311,6 млрд теңге көлеміндегі 304 айыппұлды өндіру жұмыстары жүргізіліп жатыр», – деді министр.
Министр ластаушы заттарды экологиялық рұқсатсыз тастағаны үшін ең үлкен өндірілген айыппұлдар фактілерінің ішінде келесілерді атап өтті:
«Karabatan Utility Solutions» жауапкершілігі шектеулі серіктестігіне (Қарабатан Ютилити Солюшнз) 7,2 млрд теңге.
«Теңізшевройл» жауапкершілігі шектеулі серіктестігіне 2,8 млрд теңге.
«Өңірлерде экологиялық заңнаманы бұзу бойынша жүргізілген талдау келесі облыстарда ең үлкен айыппұлдар болағанын көрсетті. Шығыс Қазақстан облысы 2,6 млрд теңге көлемінде («Қазмырыш» ЖШС-49,66 млн теңге, «жылу энергиясы» МКК – 6,54 млн теңге, «Өскемен Су Арнасы» – 4,17 млн теңге, «Қытай компаниясы Синьсин» ЖШС филиалы – 3,96 млн теңге). Қызылорда облысы 681,8 млн теңге көлемінде («Қуатамлонмұнай» БК ЖШС – 132,10 млн теңге, «Бейнеу-Шымкент Газ Құбыры» ЖШС-523,01 млн теңге, «Семизбай – U» ЖШС-1,72 млн теңге). Абай облысы 677,5 млн теңге көлемінде («ЭКО – Семей» ЖШС – 296,06 млн теңге, «Прииртыш Бройлер құс фабрикасы» ЖШС – 252,94 млн теңге, «Теплокомунэнерго» МКК – 8,32 млн теңге). Ақтөбе облысы 133,8 млн теңге көлемінде («Қазақойл Ақтөбе» ЖШС 8,62 млн теңге, «Урихтау Оперейтинг» ЖШС – 1,72 млн теңге, «КазЭкоСервис Ақтөбе» ЖШС – 1,98 млн теңге, «Мұнай КМК» АҚ – 5,17 млн теңге, «СНПС» АҚ – 10,69 млн теңге) салынды», – деді ол.
Ол атағандай, айыппұлдардың басым бөлігі нормативтен тыс шығарындылар мен өз еркімен (экологиялық рұқсатсыз) эмиссиялар үшін салынды.
