Ұлттық қауіпсіздік комитетінің бұрынғы төрағасы, сотталған Карим Мәсімовке тиесілі үй тағы да аукционға шығарылды.
Бұл — аталған резиденцияны сатудың үшінші талпынысы. Алайда алдыңғы екі ретпен салыстырғанда, бұл жолы баға едәуір төмендетілген — 1 миллиард 600 миллион 838,1 мың теңге.
Бұған дейін үйдің бағасы 1 миллиард 883 миллион 338,9 мың теңге болған.
Әңгіме елорданың Нұра ауданындағы зәулім сарай туралы. Ғимараттың жалпы ауданы — шамамен 2,8 мың шаршы метр. Үймен бірге 1,2 гектар жер, жиһаздар, үй ішінің сәндік бұйымдары мен коллекциялық заттар да сатылуда.
