«ҚазМұнайГаз» АҚ мұнай бағасы барреліне $60-65 шамасында болады деп болжауда, деп мәлімдеді басқарма төрағасының орынбасары Әсет Мағауов.

«Баға өзгерістері дерлік күн сайын болып жатыр. Бұл жерде ұзақмерзімді үрдіс маңызды. Соңғы болжамдарға сәйкес, баға барреліне $60 шамасында сақталады деп күтілуде. Жалпы алғанда, біз қандай да бір тәуекелдерді көріп тұрған жоқпыз. «ҚазМұнайГаз» АҚ тарапынан мұнай бағасы күрт төмендеген жағдайда қандай оңтайландырулар қажет болатыны жөнінде балама жоспарлар дайындалған. Біз бағаның кез келген өзгерістеріне дайынбыз», – деді Мағауов дүйсенбі күні үкіметтегі брифингте.

Сондай-ақ, «ҚазМұнайГаз» АҚ бойынша Магауов мұнайдың шамамен 70%-ы ішкі нарықта әлдеқайда төмен бағамен сатылатынын атап өтті.

«70% ішкі нарыққа өткізіледі. Олар әлемдік баға котировкаларына тәуелді емес, оның үстіне бізде бензин мен дизель отынын экспорттауға шектеу қойылған, бәрі ішкі нарықта сатылады. Ал қалған 30% бойынша аналитиктер биыл мұнай бағасы барреліне $65 шамасында жыл соңына дейін сақталады деп болжайды», – деп түсіндірді Мағауов.