Кеше Астанада бас мүфти Серікбай қажы Ораздың төрағалығымен Қазақстан мұсылмандары діни басқармасы жанындағы Ғұламалар кеңесінің кезекті ХХІ мәжілісі басталды, деп хабарлайды ҚМДБ.

Үш күнге созылатын мәжілісте «Желілік маркетинг үкімі», «Пойыз және ұшақта намаз оқу үкімі», «Маникюр жасаудың үкімі», «Шашты бояудың үкімі», «Жасанды кірпік жапсырудың үкімі», «Телефон және интернет арқылы неке қию үкімі», т.б. тақырыптар төңірегінде әзірленген пәтуалардың мәтіні талқыланбақ.