Маңғыстауда өрт сөндірушілер жалақыларын көтеруді талап етіп, бейнеүндеу жасады.

Бейне үндеу жасаған құтқарушылар Ақтау, Жаңаөзен, Қаражанбас пен Қаламқаста жұмыстарын тоқтатқандарын мәлімдеді.

Сондай-ақ Өмірзақ ауылының өрт сөндірушілері де бас көтерді.

Басты себеп жалақының аздығы. Өрт сөндірушілердің айтуынша олар ай сайын 130 бен 150 мың теңге көлемінде жалақы алады. Бұл қаражат өмір сүруге жетпейді, дейді. Сонымен қатар олар күнде басымызды қатерге тігеміз, ол жағы есепке алынбаған деп отыр. Өрт сөндірушілер жалақыларын 350 мың теңгеге дейін көтеруді талап етуде.