Денсаулық сақтау министрі Ақмарал Әлназарованың мәліметінше, биылғы жылдың басында Қазақстан халқының саны 20,3 миллион адамға жетті.
Туу коэффициентінің төмендеуі 6,2%-ды құрады. Өткен жылы Қазақстанда 2004 жылдан бергі ең төменгі туу көрсеткіші тіркелді.
Сондай-ақ, Әлназарова елдегі өмір сүру ұзақтығының гендерлік айырмашылығына тоқталды. Әйелдердің орта есеппен ерлерге қарағанда 8 жыл ұзақ өмір сүретіні анықталды.
Өкінішке қарай, елдегі ер адамдардың өлім-жітімі әйелдерге қарағанда жоғары. Бұған суицид, қылмыс, жол-көлік оқиғалары, өндірістегі өлімге әкелетін жарақаттар, сондай-ақ жүрек-қан тамыр ауруларынан болатын жоғары өлім деңгейі себеп.
