Ақмола облысы Целиноград ауданы Қоянды ауылында қар суы тасқыны кезінде шарасыз күйге түскен ауыл тұрғындары жергілікті биліктің өткір проблемаға назарын аудару үшін жолды жапқанын Ақмола облысы Целиноград ауданы соты «заңсыз митинг ұйымдастырды», «заңсыз митингіге қатысты» деп танып, 6 адамға 30-50 АЕК айыппұл салған.

Сот айыппұл салу негіздемесін ауыл тұрғындары митинг жөнінде әкімдікке ескерту бермеген деп келтірген.

Ауылда кейінгі бірнеше күннен бері еріген қар суы аулаларға жайылып, кейбір үйдің ішіне кірген. Тұрғындар «қыс бойы ауылда қар жөнді күрелмеді, жергілікті билік қауіптің алдын алмады» деп шағымданған еді.