Саран қаласында үйлер резервтік жылу көздерден – жергілікті қазандықтардан жылуға қосыла бастады. Бір түнде 83 үй қосылды. Орталық жылу көзінен жылытылатын қалған үйлер бойынша жұмыстар жалғасуда.

– Өздеріңіз білетіндей, орталық қазандық – бұл жаңа нысан. Ол 10 жылдан астам уақыт бойы салынған. Қазір жабдықтың өзін режимдік реттеу бойынша ауқымды жұмыс жүріп жатыр. Біз қаланы жергілікті резервтік көздерден жылытуды қамтамасыз ететін қазандықтарды сақтадық. 85 үйді қосу керек. Бүгін біз бұл жұмысты аяқтаймыз, – деді Саран қаласының әкімі Еркін Баулықов.

Орталық жылу көзіне қосылған үйлердің электр қуатына төленетін ақысы қайта есептеледі.

Орталық қазандық тоқтамайды. Қажетті параметрлерге шыққаннан кейін ол қаланы жылытады.

Жылыту маусымы басталғаннан бері Саран қаласында сегіз қазандық іске қосылды. Олар қаладағы 95 үйді, соның ішінде барлық әлеуметтік нысандарды жылытады.

Айта кету керек, жаңа орталық қазандық энергияны үнемдейтін технологиямен салынған – төмен температуралы қайнаған қабаты бар. Бұл көмірдің кез-келген түрін қолдануға және отынды үнемдеуге мүмкіндік береді, және де экологияға оң әсер етеді: күлі аз болады. Сондай-ақ, заманауи газ құбырлары орнатылған. Орталық жылу көзіне арналған қазандықтар Барнаул зауытында жасалған.

Қазандық мүмкіндігінше автоматтандырылған. Операторлар бүкіл процесті бақылайды.