Ұшақ апаты кезінде құтқарушыларға көмектескен Алматы облысы, Талғар ауданына қарасты Гүлдала ауылының тұрғындарына және еріктілерге президент Тоқаев алғыс айтты.

Қиын сәтте құтқарушыларға көмек қолын созған Алматы облысы Гүлдала ауылының тұрғындарына алғыс айтамын. Олар тамақ дайындап, ыстық шай таратты. Алматылық донорларға көп рақмет. Халқымыз тағы да қиын сәтте ауызбіршілігін, әрқашан жәрдем беруге әзір тұратындарын көрсетті.

— Qasym-Jomart Toqayev (@TokayevKZ) December 29, 2019

27 желтоқсанда Алматыда Bek Air әуе компаниясының ұшағы апатқа ұшырап, 12 адам қаза болды. 28 желтоқсан  жалпыұлттық аза күні болып жарияланды.